Como xa sabedes se lestes o post que hai un pouco máis abaixo, témoslle unha especial predilección a cruzar o meridiano, porque cansa, pero presta chegar e ser tan ben recibidos. Por eso esta fin de semana próxima imos por outra ración de festa catalana. E desta vez vai ser da boa, porque será outra vez en Mataró (que xa lle imos collendo agarimo a base de repetir…), e con compañeiros de luxo, como son D´Callaos, e Manu Chao e Radio Bemba, cos que xa coincidimos hai uns anos en Vilagarcia. Háse de montar boa.

E, xa de volta, procuraremos descansar todo o posible, porque a seguinte semana vai ser intensa, xa que facemos o “Triángulo tour”. O xoves 16 marchamos para Tondela, para poñer unha chinchetiña en Portugal, e según rematemos trazamos diagonal e marchamos para Huesca, para participar no Festival do Castelo de Aínsa, xunto con Macaco, Huecco, e máis xente. E para pechar o triángulo, remataremos o sábado 18 en Celeiro (alí ao lado), no Festival Arreocabo, compartindo palco con Boikot e os nosos amigos de Betagarri.

Tendo en conta que os máis de nós somos de letras, o noso berro de guerra para esta fin de semana será “¡¡QUE A TRIGONOMETRÍA NOS ACOMPAÑE!!!.

O que quede dos nosos corpiños serranos e xeitosos seguirá informando… ;)

Pois nada, que nos quedou o corpo a medias na casiña cos cincuenta minutiños do FAX, e pensamos que este ano era ben repetir, pero como tampouco era cuestión de abusar, dixemos: “E si collemos o bus urbano e marchamos ata Seixalbo, que sonche unha xentiña ben de xeitosa, que aínda che montaron un grupo de percusión que hai que velos, e a liamos alí, que están de San Xoán??” P

      Despois da experiencia telegaitil, chega o momento de volver ao noso hábitat natural: o torreiro. E como lle collemos o gusto a eso de cruzar o meridiano de Greenwich (é que o arco da autopista mola moito), empezamos en Catalunya esta fin de semana con ración doble. Primeiro estaremos en Mataró o venres 15, na sala Clap, con La Pegatina, que presenta o seu novo disco, para despois ir ao dia seguinte a Porqueres, ás barraques (un bo invento que habería que importar, e que leva funcionando por aqueles lares máis de 25 anos).

       Xa de volta, a seguinte cita será en Santiago de Compostela, na Sala Nasa, o dia 21. Desta vez imos ter o inmenso pracer de acompañar aos nosos amigos de Son do Galpón, que tamén presentan disco.

      E xa para rematar este maio florido e fermoso, qué mellor colofón que tocar no Festival de Cans, que empezou coma unha coña e mira no que se está convertindo ano tras ano (a ver si tocamos nun chimpín, o que non se sabe é se colleremos). Tan magno acontecemento será o día 23 e compartiremos palco con máis xente, pero non querades sabelo todo de golpe, que sodes uns impacientes (eso sí, ten moi boa pinta…).

     Pois nada, unha vez feita a pre-crónica do mes, devolvemos a conexión aos nosos estudios centrais de Pititú TV, na Carballeira. Saludos cordiales.

(buf, esto da tele deixa secuelas ou algo… Prevenidoooooos!!!!)

Seguiremos informando…

Pois resulta que este ano encargáronlle a gala de entrega dos premios Mestre Mateo, que son os que se lle dan todos os anos aos profesionais do audiovisual galego, a Jorge Coira. Jorge Coira é un tipo que, para quen non o coñeza, entre o seu currículo ten o ter dirixido hai uns anos unha peli que se chama “O ano da carracha” (se alguén non a viu, que empece a buscar, porque paga a pena). E para esta gala está acompañado do guionista Carlos Portela, que foi tamen o guionista da peli, ademais de ser durante unha temporada o Doutor TNT (¿lembrades, xabarineiros?).
Entón o señor Coira decidiu que a estas galas, de por sí bastante tostón, habería que darlle unha reviravolta, e decidiu chamar a unha xente que se chama Pista Catro, que se adica a facer circo, malabares e demais faranduladas, para darlle ao choio un aire moito máis festivo. E cando pensou a quén chamar para amenizar musicalmente a entrega decidiu contar con alguén que garantizara que aquelo había de ser unha festa. E adiviñades a quén chamou?… CORRECTO!!!. Alí imos estar o dia 30, en Pontevedra, no Pazo da Cultura, a partir das 10 da noite. E se non tedes forma de ir (seica é por invitación, ou algo así, ou sendo do gremio, claro), a TVG vaina retransmitir en rigurosirmo directo.
Así que xa sabedes, se queredes botar unhas risas (o outro día fixemos a proba de vestiario e a cousa promete), e ver aos lamatumbeiros nunha faceta diferente, aínda que non tanto, se vos corroe a intriga de saber qué pinta esta panda de individuos nun invento coma ese, a resposta o dia 30, ás dez da noite, na telegaita.

E por si non vos chega, ese mismo sabado dia 2 apareceremos no programa Banda Curta estreando unha sorpresiña.

Seguiremos informando…

Por fin chegou o momento de facer a maleta, cargar a fregoneta e arrancar estrada adiante por eses mundos de dios para que poidamos abrir o noso paraugas en todos os sitios nos que nos sexa posible. Á esquerda tedes os primeiros dos sitios nos que imos estar este ano, pero ha de haber moitos máis. Estade pendentes, que cando menos o esperedes vos aparecemos ao lado da casa. NON VALE PARARRRRRRR!!!!!!!

Como caído do ceo despois da noite de San Nicolás, chegou por fin o momento de coñecer o gañador do concurso de Remix de Lamatumbá. Como indicáramos fai uns días a votación quedaba pendente da votación de Lamatumbá e PAI Música que sumados aos votos dos usuarios deu por resultado o listado que podedes ver neste enlace:

http://www.pai-musica.com

Tanto Lamatumbá como a xente de PAI música, queremos agradecer a todos os participantes o esforzo e implicación de cada un deles no concurso. Ainda que non estaba contemplado no concurso, pronto nos poremos en contacto con todos eles para para achegarlles un detalle pola súa participación.

NORABOA A MARCOS DE PAZ e FELIZ LAMATUMBEIRO NADAL a TOD@S.

Despois de finalizar o prazo de votación do público, so falta xuntar ao comité de sabios ghaiteiros (uséase, Lamatumbá máis a xente de PAI música) para, entre os  votos dos tres, saber quén é o gañador do concurso, e para ir argallando como será o vidrioclí no que consiste o premio. Quén será, quén será?. Seguiremos informando…

Moitos foron os correos que recibimos nestes últimos días de xente apurada por entregar a súa versión de “Farto” ao concurso de remix de Lamatumbá. E nos últimos temas que recibimos moitos aseguraban chegar polos peliños e non ter tempo para mesturalo mellor. Tal e como publicamos nas bases o proceso de recollida das mesturas remataba hoxe, 27 de novembro, pero reunido o grupo de sabios ghaiteiros acordamos dar 9 días máis de prazo para entregar a remeclas e así dar oportunidade aos máis rezagados que polo que parece xa teñen os temas case rematados.

Pois eso, que tedes ata o 5 de decembro aínda para presentar as misturas alternativas de “Farto”. Veeeña, veeeeña, que o tempo compreeeeee!!!!!

Pois eso, que quedan tres dias para que remate o prazo de envio de remisturas de “Farto”. Xa temos un bo feixe, algunhas verdadeiramente sorprendentes, pero a sorte aínda non está botada e ainda hai tempo que que a gañadora apareza na nosa lista. Ata o dia 27 ainda hai tempo, pero non moito, así que rápido, a descargar as pistas e a fozar, fedellar, cortar, pegar, borrar, engadir, cambiar…

http://www.pai-musica.com/remixlamatumba

A 22 dias da finalización do concurso de remisturas de Lamatumbá, a redacción de PAI Música leva recibidas xa once versións do tema “Farto”, incluído no noso Paraugas Universal. Dende Lamatumbá sentímonos sorprendidos e agradecidísimos ante a acollida do concurso e da súa expansión pola rede, que fixo posible que o primeiro tema chegara dende a mesmísima Arxentina, no outro lado do Atlántico.

Por agora as versións tocan diversos estilos musicais, dende a electrorumba de Davidmorales ata os ritmos latinos do cubano Marcos de Paz.

Así da gusto ter ideas de bombeiro. Sodes tod@s uns GHAITEIROS!!!!

Podedes escoitar todos os temas na web de PAI Música

A cousa éche ben sinxela. O concurso consiste en re mesturar o tema FARTO incluído no último disco Paraugas Universal. Proporcionámosche as pistas e as ferramentas, e tan só tedes que mesturalas no voso programa multipista para crear unha nova versión deste tema.

O premio - Lamatumbá fará o videoclip do tema gañador.

O estilo musical froito da re-mestura é totalmente libre. Todo está permitido (engadir novas pistas, engadir loops, efectos, …).

Toda a información que precisades atoparédela en:

 http://www.pai-musica.com/remixlamatumba

Pois nada, querid@s compañeir@s, que como xa vai rematando o verán (xa hai que ir poñendo unha rebequita ou algo polas noites), e temos algo máis de tempo para remoer os miolos (non moito máis, non creades, que o barco segue a toda vela, e no local xa empezan a brotar cousiñas que hai que ir regando pouco a pouco), pois resulta que argallamos unha nova falcatruada Ler máis…

Pois nada, que ante estas datas estivais, e tendo ao noso güémaster de feiras, temos que facer dúas cousas: unha é recoñecer a nosa absoluta ignorancia en temas de programación informática, e a segunda e máis importante, pedirvos disculpas por non ter todos os aspectos da páxina operativos, actualizados e nas condicións que deberían estar. Ler máis…

Mozas, mozos!!!

Inda case nin o creemos.. Quen nos ía dicir a nós que estariamos na EXPO co noso Paraugas Universal….
Ler máis…

A nova viaxe arranca con máis forza que nunca o vindeiro xoves 22 de Maio na sala Capitol, en Santiago de Compostela.
Ler máis…